Այսօր Քանաքեռցի Տույի հետ սպանված Արտյուշ Սիմոնյանի հուղարկավորությունն է․ այնպես են արել, որ սգո արարողությունները նույն օրերին չլինեն․

Մեզ հասած տեղեկություններով այսօր Քառաքեռցի Տույի հետ իր տանը սպանված նախկին պատգամավոր Արտյուշ Սիմոնյանի հուղարկավորությունն է։

Ըստ մոտ կանգնած աղբյուրների, վերջինիս դին հարազատներին ավելի ուշ է հաձնվել , քան Տույինն ու ընկերներինը։ Ենթադրվում է, որ այս քայլերին գնացել են սգո արարողությունների մասնակիցների միջև հնարավոր բախումներից խուսափելու համար։

Հայտնի է, որ հիշյալ սպանության գործով կա 5 ձերբակալված, որոնցից 4-ը հենց սպանված նախկին պատգամավորի 4 որդիներն են։ Ըստ տարածված լուրերի՝ նրանցից Վլադիմիր Սիմոնյանն է եղել միջադեպի կիզակետում և հենց նրան է վերագրվում Տույի սպանությունը։

Ավելի վաղ հայտնել էինք, որ Հայաստանի քննչական կոմիտեի Երևան քաղաքի քննչական վարչության ծանր հանցագործությունների քննության բաժնում ՀՀ քր օր-ի 104 հոդվածի 2-րդ մասի 7-րդ կետով և 235 հոդվածի 1-ին մասով հարուցված քրեական գործի շրջանակում արդեն կային ձերբակալվածներ:  Նրանք են՝ Երևան քաղաքի Քանաքեռ 16 փողոցի բնակիչ, 37-ամյա Վլադիմիր Սիմոնյանը, Քանաքեռ 17 փողոցի բնակիչ, 27-ամյա Հովհաննես Սիմոնյանը, Քանաքեռ 16 փողոցի բնակիչ, 34-ամյա Նորայր Սիմոնյանը,  Քանաքեռ 16 փողոցի բնակիչ, 21-ամյա Հակոբ Սիմոնյանը և  հիվանդանոց տեղափոխված  Գևորգ Ջաբուրյանը:

Կարդացեք նաև

Оставьте комментарий